Украйнд учирсан хохирлыг ОХУ-аар нөхөн төлүүлэх НҮБ-ын тогтоолд Монгол байр сууриа илэрхийллээ

Украины талд учирсан хохирлыг Оросоор нөхөн төлүүлэх механизмыг бий болгох тухай зөвлөмж бүхий тогтоолыг НҮБ-ын Ерөнхий Ассамблей даваа гарагт баталсан байна. Уг тогтоолын төслийг Украин, Канад, Нидерланд, Гватемал зэрэг улсууд өргөн барьсан бөгөөд НҮБ-ын 193 орноос 94 нь дэмжсэн бол, 73 улс түдгэлзэж, 13 нь эсрэг санал өгсөн байна.

Тус тогтоолд эсрэг санал өгсөн буюу Оросыг дэмжсэн орнуудад:

• Беларусь
• Төв Африкийн Бүгд Найрамдах Улс
• Хятад
• Куба
• Хойд Солонгос
• Эритрей
• Этиоп
• Иран
• Никарагуа
• Сири
• Зимбабве улс орсон бол Монгол Улс дахин түдгэлзсэн байна.

Дайны үед НҮБ-ын Ерөнхий Ассамблей Оросыг буруушаасан дөрвөн тогтоол гаргасан бөгөөд өнөөг хүртэл дэлхийн улс орнуудын дөрөвний гурав орчим нь санал өгөхдөө Оросын эсрэг байр сууриа илэрхийлсээр байгаа бол цөөн тооны улс орнууд ОХУ-ын талд санал өгч байна.

Өчигдөр баталсан тогтоолд ОХУ-ын эхлүүлсэн дайны улмаас Украинд учирсан, цаашид ч бий болох хохирлыг бүртгэж, нөхөн төлүүлэх олон улсын механизмыг бий болгохыг НҮБ-аас уриалжээ. НҮБ-ын Ерөнхий Ассамблейн тогтоолууд нь НҮБ-ын Аюулгүйн Зөвлөлийн тогтоолуудаас ялгаатай нь улс төрийн тодорхой ач холбогдолтой боловч заавал биелүүлэх үүрэг гүйцэтгэдэггүй байна.

Эх сурвалж: ВВС